وتەبێژی بەرێوەبەرایەتیی هاتوچۆی هەولێر ڕایدەگەیەنێت، بەهۆی ڕژانی ڕۆن و گازێكی زۆرەوە، ڕێگای سەرەكیی هەولێر-كۆیە لە هەورازە نەفتە داخراوە، ئاشكرایدەكات تیمەكانی ئاوەدانكردنەوە و نیشتەجێكردن سەرقاڵی خاوێنكردنەوە و كردنەوەی ڕێگاكەن بەڕووی شۆفێران و هاوڵاتییاندا.
ڕائید فازڵ حاجی، وتەبێژی بەڕێوەبەرایەتیی هاتوچۆی هەولێر لە لێدوانێكدا بە تۆڕی میدیایی ئێستای ڕاگەیاند، بەهۆی ڕژانی ڕۆن و گازێكی زۆرەوە ڕێگای سەرەكیی هەولێر- كۆیە لە هەورازە نەفتە داخراوە و هاتوچۆكردن لە ڕێگاكە داخراوە.
ئاماژەی بۆ ئەوەشكرد، “تیمەكانی ئاوەدانكردنەوە و نیشتەجێكردنی هەولێر سەرقاڵی خاوێنكردنەوە و كردنەوەی ڕێگاكەن كە ئەمشەو بە ڕووی شۆفێراندا بكرێتەوە”.
