یانەی مانچستەر یونایتد لە هەوڵەكانی بۆ كڕینی ئەنتۆنی بەرازیلی و هێرشبەری ئەیاكس ئەمستردام بەردەوامە.
ئاژانسی سكای سپۆرت ئاشكرایكرد، مانچستەر یونایتد نرخی گرێبەستەكەی بۆ 94 ملیۆن یۆرۆ بەرزكردۆتەوە، تا بتوانێت ئەنتۆنی هێرشبەری ئەیاكس بكڕێت.
ئەنتۆنی خۆی داوای لە ئیدارەی ئەیاكس كردووە ڕێگری نەكەن لە چوونی بۆ مانچستەر یونایتد و هیوای خواستووە ڕێگەی بدەن لە 48 كاتژمێری داهاتوودا بەرەو ئینگلتەرا گەشت بكات.
ئەم وەرزە یانەی مانچستەر یونایتد گرێبەستی لەگەڵ تیریل مالاسیا و ئیریكسن و لیساندرۆ مارتینێز و كاسیمیرۆ ئیمزاكردووە.
ئامانجیشی ئەوەیە ئەنتۆنی بكاتە هێرشبەری سەرەكی و شانبەشانی ڕۆناڵدۆ یاریی پێبكات.
