کەشناسیی عێراق کەشوهەوای ڕۆژانی داهاتووی بڵاوکردەوە، بەپێی پێشبینییەکان لە ڕۆژی یەکشەممەوە جارێکی دیکە پلەکانی گەرما بەرزدەبنەوە.
دەستەی کەشناسیی عێراق ڕایگەیاند، سبەینێ هەینی، ئاسمانی هەرێمی کوردستان ساماڵ و نیمچەهەور دەبێت، پلەکانی گەرماش بە جێگیری هاوشێوەی ئەمڕۆ دەمێنێتەوە.
هەروەها ڕۆژی شەممە ئاسمان ساماڵ دەبێت و خێرایی با کەمێک زیاتر دەبێت.
بەپێی پێشبینییەکانی کەشناسیی عێراق، ئاسمان ساماڵ و نیمچەهەور دەبێت، لەگەڵ زیادبوونی خێرایی با و بەرزبوونەوەی پلەکانی گەرما.
