یانەی بەرشلۆنە لە یەكلایی كردنەوەی داهاتووی كۆمەڵێك یاریزان بەردەوامەو لە هەوڵدایە بۆ چارەسەركردنی كێشەكانی.
چاڤی هێرناندێزی ڕاهێنەری بەرشلۆنە بە ڕوونی بە ئۆمتیتی و برایسوایت و دێستی وتووە دەبێت بڕۆن.
بە ئۆبامیانگ و دیپایشی وتووە كە ئەو ڕازی نییە لەسەر ڕۆیشتنیان بەڵام كێشەكە پەیوەندی بە دۆخی داراییەوە هەیە و ئیدارەی یانەكەش مامەڵەی گواستنەوەكەیان دەكات.
پێشبینی دەكرێت ئۆمتیتی بچێتە یانەی لیچیەوە و برایسوایتیش پەیوەندی بە یانەی ڕیاڵ مایۆركاوە بكات.
ئۆبامیانگ لە یانەی چێڵسی ئینگلیزییەوە نزیكە، بەڵام یانەی یۆڤانتۆس لە كڕینی دیپای دووركەوتۆتەوە لەبەرئەوەی دیپای داوای پارەی زۆر دەكات.
