بەشێوەیەكی فەرمی هەردوو یانەی مانچستەر یونایتد و ڕیاڵ مەدرید گواستنەوەی كاسیمیرۆیان بۆ ئینگلتەرا ڕاگەیاند.
یانەی مانچستەر یونایتد ئاشكرایكرد، بە 72 ملیۆن یۆرۆی كاش و 13 ملیۆن یۆرۆ گۆڕانكاری، گرێبەستیان لەگەڵ كاسیمیرۆی بەرازیلی ئیمزاكردووە.
كاسیمیرۆ دەبێتە سێیەم یاریزان كە لە مانچستەر یونایتد لەدوای ڕۆناڵدۆ و دی خیاوە زۆرترین موچە وەربگرێت.
كاسیمیرۆ لەگەڵ یانەی ڕیاڵ مەدرید 18 ناسناوی بردۆتەوە كە پێنجیان ناسناوی چامپیۆنز لیگ بوون.
بڕیارە ئەمڕۆ یاریزانە بەرازیلییەكە بگاتە ئینگلتەرا بۆ ئەوەی پشكنینی پزیشكی ئەنجام بدات.
پێشبینی ناكرێت یاریزانە بەرازیلیەكە بتوانێت لە یارییەكەی دوو شەممە بەرامبەر لیڤەرپوڵ یاریی بكات.
