بەڕێوەبەرایەتیی گشتیی تەندروستیی سلێمانی ڕایدەگەیەنێت، لەماوەی مانگێكدا لیژنەكانی چاودێریی تەندروستی 137 شوێنیان سزاداوە و 21 شوێنی دیكە بەهۆی پابەندنەبوون بە ڕێنماییە تەندروستییەكانەوە داخراون.
بەپێی ڕاگەیەندراوێكی بەڕێوەبەرایەتیی گشتیی تەندروستیی سلێمانی كە وێنەیەكی دەست تۆڕی میدیایی ئێستا كەوتووە و تێیدا هاتووە، لە ماوەی مانگێكدا واتا لە 25ی حوزەیران تاوەكو 25ی تەمموزی ئەمساڵ لیژنەكانی چاودێریی تەندروستی سێ هەزار و 554 سەردانیان بۆ بازاڕەكان و ماركێتەكان و شوێنە جیاجیاكانی شاری سلێمانی ئەنجامداوە بە مەبەستی دڵنیابوونەوە لە مەرج و ڕێنماییە تەندروستییەكان و ڕێگریكردن لە ساغكردنەوەی خۆراك و كەلوپەلی نەشیاو بۆ بەكارهێنان.
لە ڕاگەیەندراوەكەدا هاتووە، لیژنەكان هەزار و 412 شوێنیان ئاگاداركردووەتەوە و 137 شوێنیان سزاداوە و و 21 شوێنیان داخستووە كە پابەندی بەمەرج و ڕێنماییە تەندروستییەكان 293 مۆڵەتی بەخشیوە و 76 مۆڵەت پووچەڵكراوەتەوە.
