كۆمەڵەی مانگی سووری عێراقی ئاشكرایكردووە، بەهۆی بارانەوە لە عێراق 100 خانوو زیانیان پێگەیشتووە و دەیان خێزانیش ئاوارە بوون.
لە ڕاگەیەندراوێكدا ئەمڕۆ یەكشەممە 29ی تشرینی دووەم، كۆمەڵەی مانگی سووری عێراقی ڕایگەیاندووە، “لە پارێزگای دیوانییە، بەهۆی بارانی بەخووڕەوە زیاتر لە 50 خانوو لە ناوچە جیاجیاكانی پارێزگاكە زیانیان پێگەیشتووە، كە هەندێك خانوو بە تەواوی ڕووخاون”.
ئاماژە بەوەشكراوە، لە پارێزگای بابل-یش 48 خانوو بە هەمان هۆكار زیانی گەورەیان پێگەیشتووە.
كۆمەڵەكە ئەوەشی خستوەتەڕوو، لافاو و باران لە ناوچەكانی دیكەی عێراق بووەتەهۆی ئاوارەبوون 50 خێزان.
مانگی سوور ئەوەشی ڕاگەیاندووە، تیمەكانیان بەدەم هاوڵاتییانی زیانلەكەوتووەوە چوون و پێداویستییەكانیان بەسەردا دابەشكردوون.
