بەهۆی داڕمانی گردێکەوە لە كەربەلا چەند هاوڵاتییەک برینداربوون و دەیانی تر گیریانخواردووە.
داڕمانی دیواربەند و بەشێك لە گردی مەزاری ئیمامی عەلی لە خۆرئاوای كەربەلا، برینداربوونی نزیكەی 10 كەس و بەگیرهاتنی دەیانی تری لێكەوتەوە.
تیمەكانی بەرگریی شارستانی تا ئێستا بەردەوامن لە هەڵمەتی ڕزگاركردنی گیرخواردووان و چەندین بەرپرسی حكومی و پیاوانی ئایینی لە شوێنی ڕووداوەكەن.
بەپێی لێدوانی كاربەدەستانی هەردوو كەرتی تەندروستی و بەرگریی شارستانی، ئەو كەسانەی برینداربوون و بەگیرهاتوون، بەشدارانی ڕێوڕەسمی یادەكانی موحەڕەم بوون و لە پڕ بەشێك لە گردەكە و دیواربەندەكەی بەسەریاندا داڕووخاون.
