بافڵ جەلال تاڵەبانی سەرۆکی یەکێتیی نیشتمانیی کوردستان لە ماڵی مام لە بەغداد پێشوازی لە فواد حسێن وەزیری دەرەوەی عێراق كرد.
دوێنێ شاندی یەكێتی بەسەرۆكایەتیی بافڵ جەلال تاڵەبانی گەیشتە بەغداد و بڕیارە زنجیرەك دیدار و كۆبوونەوە لەگەڵ بەرپرسانی باڵای حكومی و سیاسی و حزبی عێراقدا ئەنجامبدات و تێیدا پرسی پێكهێنانی كابینەی نوێی حكومەتی عێراق تاوتوێبكرێت.
كۆبوونەوەكەی بافڵ جەلال تاڵەبانی و فوئاد حسێن لە چێوەی وتووێژەكانی پێكهێنانی كابینەی نوێ و هەوڵی نزیككردنەوەی هەڵوێست و بڕیارەكانی كوردە لە بەغداد.
لە چەند ڕۆژی ڕابردوودا چێوەی هەماهەنگیی شیعەكان محەمەد شیاع سودانی بۆ پۆستی سەرۆك وەزیرانی عێراق كاندید كرد و چاوەڕوانیش دەكرێت لە چەند ڕۆژی داهاتوودا سەرۆك كۆماری عێراق هەڵببژێردرێت.
