کریستیانۆ ڕۆناڵدۆی پۆرتوگالی بڕیاریداوە مانچستەر یونایتد بەجێبهێڵێت و لە بڕیارەکەشی پاشگەز نابێتەوە، بەو هۆیەوە لێپرسراوی کارەکانی کار لەسەر گواستنەوەی بۆ ئەتلەتیکۆ مەدرید دەکات.
فابریزیۆ ڕۆمانۆ، شارەزای بواری گواستنەوەکان لە ستوونێکدا بۆ (Caught Offside)ی نووسیوە، بابەتی پەیوەندیکردنی کریستیانۆ ڕۆناڵدۆ بە یانەی سپۆرتینگ لشبۆنەوە پڕوپاگەندەیە، لە هەمان کاتدا هیچ وەڵامێکی ئیدارەی مانچستەر یونایتد-یان نەداوەتەوە لەسەر بابەتی گەڕانەوەی بۆ یەکەی مەشق و ڕاهێنانەکان.
سەرچاوەکە ئاشکرایکردووە، یانەکانی چێڵسی و بایرن میونشن و ئەتلەتیکۆ مەدرید پەیوەندییان بە خۆرخی مێندێزی لێپرسراوی کارەکانییەوە کردووە، بەڵام چێڵسی و بایرن مکوڕ نەبوون، ئەوەی لەبەردەم مێندێز-دا ماوەتەوە تەنها ئەتلەتیکۆ مەدریدە.
لە ئێستادا بەڕێوەبەرانی “ئەتلەتی” هەوڵ دەدەن دەستبەرداری گریزمان و مۆراتا ببن، بۆ کۆکردنەوەی تێچووی گواستنەوەی دۆنی پۆرتوگال، بەڵام ئەو ئەگەرەش بەهێز نییە.
