لیزا فەلەکەدین کاکەیی ئەندامی پەرلەمانی کوردستان سەبارەت بە سوکایەتیکردنی حەشدی شەعبی بە پێشمەرگەیەک ڕایگەیاندووە، بەردەوام دەبێت لە هەوڵدان تاوەکو سەرجەم ئەنجامدەرانی ئەو تاوانە سزا دەدرێن و دەبرێنە بەردەم دادگا.
لیزا فەلەکەدین کاکەیی لە تۆڕی کۆمەڵایەتیی فەیسبوک نووسیویەتی، بەهۆی ئەو کارەوە کاکەییەکان هەست و دڵیان برینداربووە، دەڵێت، ” جورئه‌تكردنی گروپێكی له‌یاسا ده‌رچوو به ئه‌نجامدانی ئه‌و سته‌مه، ئه‌وه ده‌گه‌یه‌نێت كه ئه‌و میلیشیانه ھیچ ڕێزێك له به‌ها مرۆییه‌كان ناگرن”.
ئەو پەرلەمانتارە ئاماژەی بەوەکردووە، ” دڵنیام كه سه‌رۆك بارزانی و سه‌ركردایه‌تیی پارتیمان و دامه‌زراوه فه‌رمییه‌كانی ھه‌رێمی كوردستان و خوشك و براكانمان له به‌غدا ھه‌ر ھه‌موو پشتیوانی ئێمه‌ی بریندارن، له ھه‌وڵداده‌بن بۆئه‌وه‌ی تاوانكاران به سزای یاسایی خۆیان بگەیە‌نن”.
لیزا فەلەکەدین کاکەیی دەڵێت، “داوا لە دڵسۆزانی كورد و كوردستان ده‌كه‌م سه‌ركۆنه‌ی بكه‌ن و ھه‌موو هه‌وڵێك بده‌ن بۆئه‌وه‌ی حكومه‌تی عێراق به زووترین كات تاوانكاران ده‌ستگیربكه‌ن و سزا بدرێن”.
دڵنیایی دەدات لەوەی، بەردەوام دەبێت لە هەوڵەکانی تاوەکو ئه‌وانه‌ی ئه‌و تاوانه‌یان ئه‌نجامداوه سزای یاسایی ته‌واو بدرێن و سه‌رجه‌م تۆماتباران ده‌سگیربكرێن و بدرێنە دادگا.
ئەو پەرلەمانتارە نووسیویەتی، “پێویسته له‌سه‌ر ئه‌م ڕووداوه مادده ده‌ستورییه‌كان بكرێنه بنه‌ما، كه بێڕێزیكردن به به‌ها و پیرۆزییه ئاینییه‌كان سزای توندیان له‌سه‌ره، داواكارم سه‌رجه‌م خزم و دۆستان و خه‌مخۆرانی ئه‌م بابه‌ته دانبه‌خۆیاندا بگرن و ڕێگه نه‌درێت ده‌ستێكی تێكده‌ر خۆی بخزێنێته نێو ئه‌م بابه‌ته‌وه و كێشه‌كان ئاڵۆزتر بكرێن”.
