وەزارەتی ئاوەدانكردنەوە و نیشتەجێكردنی هەرێم بڵاویكردووەتەوە، تیمەكانی بەڕێوەبەرایەتیی چاككردن و پاراستنی ڕێگاوبانی سلێمانی بەردەوامن لە كاركردن بۆ نۆژەنكردنەوەی تونێلی دەربەندیخان.
ئاماژە بۆ ئەوەش كراوە، پڕۆژەكە بەشێوازێكی ئەندازیاری و بە نوێترین ئامێر و تەكنەلۆژیای سەردەم لەلایەن دوو تیمی پسپۆڕەوە كاری تێدادەكرێت.
لە ڕاگەیەندراوەكەدا هاتووە، بودجەی پڕۆژەكە 187 ملیۆن و 828 هەزار دینارە كە وەزارەتی دارایی لە 22ی حوزەیرانی ئەمساڵدا ڕەزامەندی لەسەر خەرجكردنی ئەو بڕە پارەیە دەربڕیبوو.
