دوا بڵاوبوونەوەی دەنگۆی پێكدادان و هەوڵی كودەتا، پۆلیسی شاری نەجەف لە ڕوونكردنەوەیەكدا بە ناڕاست ناویدەبات.
ژمارەیەك پەیج و میدیای عێراقی دوێنێ و شەوی ڕابردوو هەواڵی هەوڵی كودەتا و پێكدادان لەگەڵ هێزە ئەمنییەكانیان لە شاری نەجەف بڵاوكردەوە.
لە بەرامبەردا بەڕێوەبەرایەتی پۆلیسی نەجەف لە ڕوونكردنەوەكەدا ڕایگەیاند، “هەندێك پەیجی بەكرێگیراو و میدیای ناڕاست هەوڵ بۆ سەرلێشێواندنی خەڵك و تێكدانی ئاسایشی پارێزگاكە دەدەن لەڕێی بڵاوكردنەوەی هەواڵی درۆ و ناڕاست”.
ئاشكراشیكرد، هەموو ئەو هەواڵانە ناڕاستن و ئامانج لێیان تێكدانی ڕەوشی ئەمنی و بڵاوكردنەوەی ترس و تۆقاندنە لەناو خەڵكدا.
