شیروان میرزا رایگەیاند، حکومەتی عێراق دەیەوێت دۆسیەی نەوت لە هەرێم وەربگرێتەوە و بیانوو دروستدەکات.
شیروان میرزا ئەندامی پێشووی ئەنجومەنی نوێنەران رایگەیاند، حکومەتی عێراق دەیەوێت بۆ رۆژێکیش بێت نەوتی هەرێم لە رێگای سۆمۆوە بفرۆشێت، بەو مانایەی دەیەوێت دۆسیەی نەوت لە هەرێم وەربگرێتەوە و ئەوانەی دیکە کە دەوترێن زیاتر لە بیانوو دەچن.
وتیشی، ئەو کەسانەی لە لیژنە هاوبەشەکەدان کە دوێنێ پێکهێنران کەسانی شارەزان لە دانوستاندا، هەرچەندە بەپێی رەشنووسەکان هەرێم و بەغداد لێکنزیک نین، ئومێدم وایە بە عەقڵیەتێکی کراوەوە دانوستان بکەن و بگەن بە چارەسەرێکی مامناوەند.
جەختیشیکردەوە، لەرووی واقعییەوە ئەو رەشنووسەی رێککەوتنەی هەرێم ئامادەیکردووە گونجاوترە بەراورد بەو رەشنووسەی حکومەتی فیدراڵ ئامادەی کردووە.
