بەڕێوبەرایەتیی هاتوچۆی گەرمیان، ئاشکرایکرد کە لە ڕوداوێکی هاتوچۆدا لەسەر ڕێگای کەلار – خانەقین سێ کەس گیانیانلەدەستدا و دوو کەسی دیکەش برینداربوون.
لە ڕاگەیەنراوێکدا کە ئەمڕۆ هەینی 27ی تشرینی دووەم، بەڕێوبەرایەتیی هاتوچۆی گەرمیان بڵاویکردوەوە، “ لەسەر ڕێگای ( کەلار – خانەقین ) نزیک گوند تۆپ عەسکەر بەهۆی پێکدادانی سێ ئۆتۆمبێل لەجۆری ( تۆیۆتا لانکرۆزەر و دوو مانی بارهەڵگر ) سێ کەس گیانی لەدەست دا و دوو کەسی تریش برینداربوون”.
بەڕێوبەرایەتیی هاتوچۆی گەرمیان دەڵێت، “ لێکۆڵینەوە لە چۆنیەتی ڕودانی ڕوداوەکە دەستی پێکردوە ، دووبریندارەکەش گواستراونەتەوە بۆ نەخۆشخانەی فریاکەوتنی شەهید هەژار لەکەلار”.
هەر ئەمڕۆ لە ڕوداوێکی هاتوچۆدا لەسەر ڕێگەی سەرەکی هەولێر بۆ کەرکوک لە پێکدادانی دوو ئۆتۆمبیلدا دوو کەس گیانیان لە دەستدا.
