سەرۆكی ڕوسیا بڕیاری دا ڕەگەزنامەی ڕوسی بدرێت بەو ئۆكرانییانەی لە ڕوسیا دەژین.
ڤلادیمێر پوتین سەرۆكی ڕوسیا، فەرمانی دا ڕێكارەكانی بەخشینی ڕەگەزنامەی ڕوسی بە ئۆكرانییەكان ئاسانبكرێن و ئەو ئۆكرانییانەی بە شێوەی هەمیشەیی لە ڕوسیا و دۆنیتسك و لۆهانسك دەژین، ببنە خاوەنی ڕەگەزنامەی ڕوسی.
پێشتر یاسای ڕوسیا مافی تەنها بە خەڵكی دۆنیتسك و لۆهانسك دەدا داوای بەدەستهێنانی ڕەگەزنامەی ڕوسی بكەن و خەڵكی ئۆكرانیا لەو مافە بێبەشكرابوون.
بەپێی بڕیارە نوێیەكەی سەرۆكی ڕوسیا، ئەو ئۆكرانییانەی لەسەر خاكی ڕوسیا دەژین و ئەوانەشی خەڵكی دۆنیتسك و لۆهانسكن كە دوو هەرێمی جێناكۆكی ئۆكرانیان، دەتوانن داوای وەرگرتنی ڕەگەزنامەی ڕوسی بكەن و “بە ئاسانی” دەبن بە خاوەنی ڕەگەزنامەی ئەو وڵاتە.
