یانەی یوڤانتۆسی ئیتاڵی بەفەرمی واژۆکردنی گرێبەستی لەگەڵ پۆل پۆگبای فەرەنسی ئاشکرا کرد، وردەکاریی گرێبەستەکەشی بڵاوکردەوە.
بەپێی ئەو زانیارییانەی لەلایەن ماڵپەڕی فەرمی یوڤانتۆسەوە بڵاوکراونەتەوە، پۆل پۆگبا بۆ ماوەی چوار وەرز بە درێسی بیانکۆنێرییەوە یاری دەکات (تاوەکو 2026)، مووچەی ساڵانەی هەشت ملیۆن یورۆ دەبێت، جگە لە پاداشتەکان لە حاڵەتی بەدەستهێنانی ناسناوە تاکە کەسی و بەکۆمەڵەکاندا.
𝗔𝗺𝗶𝗰𝗶 🤍🖤 pic.twitter.com/a2HfE0Hpxa
— Paul Pogba (@paulpogba) July 10, 2022
بەوپێیەی گرێبەستەکە بێبەرامبەر بووە، یاریزانەکە و لێپرسراوی کارەکانی بڕی 2.5 ملیۆن یورۆ-یان وەک پاداشت لە یوڤانتۆسەوە بەدەستهێناوە.
پۆل پۆگبا دوای ئەوەی گرێبەستی لەگەڵ مانچستەر یونایتد کۆتاییهات، لە چەند ڕۆژی ڕابردوودا گەیشتە شاری تۆرینۆ و بە سەرکەوتوویی پشکنینە پزیشکییەکانی تێپەڕاند.
