ڕاهێنەری یانەی بەرشلۆنە، چاڤی هێرناندێز پلانی داڕشتووە بە (23) یاریزان لە (11) پێگەی جیاواز دەست بە چالاکییەکانی وەرزی 2022/2023 بکات.
بەپێی زانیارییەکانی ڕۆژنامەی سپۆرتی کەتەلۆنی، لە سەرەتاوە پلانەکانی چاڤی و داواکارییەکانی لە خوان لاپۆرتای سەرۆکی یانە ناڕوون بووە، بەڵام لە ئێستادا هەموو نهێنییەکان ئاشکرابوون و دیارە ڕاهێنەرەکە چ پلانێکی داڕشتووە.
سپۆرت نووسیویەتی، چاڤی پێی وایە بەرشلۆنە دەبێت لە وەرزی نوێدا کێبڕکێی ناسناوە گەورەکان بکات، بۆ ئەو مەبەستەش (23) یاریزانی سەرەکی و یەدەگی بۆ پێکهاتەکانی دەستنیشان کردووە، کە دابەش دەبن بەسەر (11) پێگەدا.
گۆڵپارێز: تێر شتیگن، ئیناکی پێنا
بەرگریی چەپ: ئازپیلیکوێتا، سێرجینیۆ دێست
بەرگریی ڕاست: ئەلبا، مارکۆس ئەلۆنسۆ
سەنتەری بەرگری: پیکێ، کریستنسن، ئاراوخۆ، گارسیا، جول کوندی
ناوەندی بەرگری: بوسکێتس، نیکۆ
ناوەند (چەپ): پێدری، کیسێ
ناوەند (ڕاست): گاڤی، ڕۆبێرتۆ، (دی یۆنگ، یان بێرناردۆ سیلڤا)
هێرشبەر (چەپ): دێمبیلی، ڕافینیا
هێرشبەر (ڕاست): فاتی، فیران تۆرێس
هێرشبەر (سەرە ڕم): لیڤاندۆڤسکی، ئۆبامیانگ
تاوەکو ئێستا گرێبەستەکانی، ئەلۆنسۆ، کوندی، ئازپیلیکاوێتا، بێرناردۆ سیلڤا، لیڤاندۆڤسکی، ڕافینیا یەکلایی نەکراونەتەوە، ئەو یاریزانانەی چاڤی ئامادە نەبووە سازشیان لەسەر بکات، لیڤاندۆڤسکی، ئەلۆنسۆ، ئازپیلیکوێتا و ڕافینیا بوون، کە لە پێگەکانیاندا یاریزانی دیکەی نییە.
