وتەبێژی وەزارەتی ئەوقاف و كاروباری ئاینییی هەرێم ڕایدەگەیەنێت، ئێوارەی ئەمڕۆ سعودیە یەكەم ڕۆژی جەژنی قوربان دیاریدەكات.
نەبەز ئیسماعیل، وتەبێژی وەزارەتی ئەوقاف و كاروباری ئایینیی هەرێم لە لێدوانێكدا بە تۆڕی میدیایی ئێستای ڕاگەیاند، لە سعودیە بەهۆی جێبەجێكردنی فەریزەی حەجەوە یەكەم ڕۆژی جەژنی قوربان دیاریدەكەن و ئەگەر مانگ بینرا ئەوا سبەینێ یەكەم ڕۆژی (ذي الحجه) دەبێت و 9 ڕۆژ دوای ئەو وادەیە یەكەم ڕۆژی جەژنی قوربانە.
ئاشكرایكرد، تەنها عەرەبستانی سعودیە یەكەم ڕۆژی جەژنی قوربان بەهۆی بەرێوەچوونی ڕێوڕەسمەكانی حەجەوە دیاریدەكات.
