نرخی نەوتی خاو زیاتر بەرزبووەوە و هەر بەرمیلێكی گەیشتە نزیكەی 120 دۆلار.
ئەمڕۆ چوارشەممە لە بازاڕی وزەی جیهاندا، نرخی نەوتی خاوی برێنت بەرزبووەوە و بەرمیلێكی بە سەرووی 119 دۆلارەوە مامەڵەی پێوەدەكرێت.
بەرزبوونەوەكەی ئەمڕۆی نرخی نەوت، دوای هەفتەیەك لە دابەزینی دێت و لە چەند ڕۆژی ڕابردوودا نرخی بەرمیلێك نەوتی خاو لە دەوروبەری 115 دۆلاردا بوو.
شیكەرەوانی بازاڕی وزە دەڵێن، بەهۆی بارگرژییەكانی لیبیا و ئیكوادۆرەوە گرفت بۆ خستنەڕووی نەوتی خاو دروستبووە و پێشبینیدەكەن نرخی نەوت لەسەرووی 110 دۆلاردا بمێنێتەوە.
