وەزارەتی دارایی و ئابوریی حکومەتی هەرێمی کوردستان ڕایگەیاند، ڕۆژی 30ی حوزەیران دەست بە دابەشکردنی مووچەی مانگی شەش دەکرێت و هەفتەیەک دەخایێنێت.
لە ڕاگەیەندراوێکدا وەزارەتی دارایی و ئابوریی حکومەتی هەرێمی کوردستان دەڵێت، “رۆژی پێنجشه‌ممه 30-06-2022 ده‌ست به دابه‌شكردنی مووچه‌ی مانگی شه‌ش ده‌كرێت و ڕۆژی پێنجشه‌ممه‌ی داهاتوو 07-07-2022 ته‌واوده‌بێت، واتە له ماوه‌ی هه‌فته‌یه‌كدا مووچه‌ی سه‌رجه‌م وه‌زاره‌ته‌كان دابه‌شده‌كرێن”.
بەپێی ئەو خشتەیەی وەزارەتی دارایی بێت، پێش جەژنی قوربان سەرجەم فەرمانبەران و مووچەخۆران و خانەنشینانی هەرێمی كوردستان مووچەی مانگی شەشە وەردەگرن.
