سەرۆكی فراكسیۆنی یەكێتی لە ئەنجومەنی پارێزگای كەركوك رایدەگەیەنێت، “تێبینییەكانمان لە ئەنجومەن بۆ بەرژەوەندیی كەركوكییەكان بووە كە دەبێت لە وادەی دیاریكراودا پارێزگار و سەرۆكی ئەنجومەن و جێگرەكانیان هەڵبژێردرێن”.
رێبوار تەها، سەرۆكی فراكسیۆنی یەكێتی لە ئەنجومەنی پارێزگای كەركوك لە كۆنگرەیەكی رۆژنامەوانیدا كە پەیامنێری تۆڕی میدیایی ئێستا ئامادەیبوو، رایگەیاند، سوپاسی خۆڕاگریی خەڵكی كەركوك دەكەین و سوپاسی سەرۆك وەزیرانی عێراق دەكەین كە خەمخۆربوو بۆ ئەم كۆبوونەوەیە ئەنجامبدرێت و تەئكیدمان كردەوە كە دەبێت ئەنجومەنێك پێكبهێندرێت خزمەتی كەركوك و كەركوكییەكان بكات.
جەختیكردەوە وتیشی، ” تێبینییەكانمان لە ئەنجومەن بۆ بەرژەوەندیی كەركوكییەكان بووە كە دەبێت لە وادەی دیاریكراودا پارێزگار و سەرۆكی ئەنجومەن و جێگرەكانیان هەڵبژێردرێن”.
