بەڕێوەبەری گشتیی بەرھەمھێنانی کارەبای ھەرێمی کوردستان دەڵێت، 330 مێگاواتی دیکە بۆ كارەبای هەرێم زیادبوون، بەوەش بەرهەمی كارەبا سێ ھەزار و نزیکەی 600 مێگاواتە.
پێشڕەو نوری سەعید، بەڕێوەبەری گشتیی بەرھەمھێنانی کارەبای ھەرێمی کوردستان دەڵێت، بەرھەمھێنانی کارەبا بەردەوام لە زیادبووندایە و ئێستا 330 مێگاواتی دیکە زیادبوون، بەوەش ھەرێمی کوردستان بووەتە خاوەنی سێ ھەزار و نزیکەی 600 مێگاوات کارەبا.
بەڕێوەبەری گشتیی بەرھەمھێنانی کارەبا ئاشكرایكرد، “بەرھەمی کارەبای نیشتمانی زیادبووە، لە وێستگەی گازی سلێمانی یەکەیەکمان کەوتووەتەکار و توانای بەرھەمھێنانی 125 مێگاوات کارەبای ھەیە، یەکەیەکی دیکەمان لە ھەمان وێستگە کەوتووەتەکار لە کۆمپانیای ماس و لە وێستگەی خەباتیش 125 مێگاواتی دیکە زیادبوون، بۆیە کۆی گشتیی نزیکەی 330 مێگاوات کارەبا زیادبووو”.
پێشڕەو نوری ڕایگەیاند، “بەو زیادبوونەی ئەمدواییە، ئێستا ھەرێمی کوردستان خاوەنی سێ ھەزار و نزیکەی 600 مێگاوات کارەبایە”.
