پەیامنێری تۆڕی میدیایی ئێستا لە دهۆک ڕایگەیاند، بەهۆی ئاگرکەوتنەوەیەکەوە لە یەکێک لە خێمەکانی کامپی “ئێ سیان” لە قەزای شێخان، منداڵێک سوتاوە و گیانی لەدەستداوە.
بێوار عەبدولعەزیز، وتەبێژی بەرگریی شارستانی دهۆک، بە تۆڕی میدیایی ئێستای ڕاگەیاند، “خێمەیەکی کامپی ئێستان بەهۆکارێکی نادیار ئاگری گرتووە، بەهۆیەوە منداڵێکی کچی تەمەن شەش ساڵان سوتاوە و سێ ئەندامی دیکەی خێزانەکە بریندار بوون”.
کامپی “ئێ سیان” لە قەزای شێخان ئاوارە ئێزدییەکانی تێدا نیشتەجێیە و لەساڵی 2014ەوە لەدوای پەلامارەکانی داعش ئەو ئێزدیانە لەو کامپەدا نیشتەجێن.
