میدیاکانی ئێران بڵاویانکردەوە، حوسێن تائیب سەرۆکی دەزگای هەواڵگریی سوپای پاسدارانی ئێران لەلایەن دەسەڵاتدارانی کۆماری ئیسلامییەوە دوورخراونەتەوە.
میدیای فەرمیی ئێران، هیچ وردەکارییەکی لەبارەی دوورخستنەوەی ئەو بەرپرسەوە بڵاونەکردووەتەوە.
بەپێی تەلەڤیزیۆنی فەرمیی ئێران، حوسێن تائیب وەک راوێژکاری سەرۆکی سوپای پاسداران حوسێن سەلامی دانراوە.
ئەو ڕاگەیاندنە میدیایی فەرمیی ئێران دوای ئەوە هات کە زانیارییەکان لەناو سوپای پاسدارانەوە دزەیان کردبوو بە دوورخستنەوەی حوسێن تائیب.
زانیارییە دزەپیکراوەکان تەنها باسیان لە دوورخستنەوەی نەکردووە، بەڵکو هەواڵەکان بەوجۆرەن کە دوورخراوەتەوە و دواتر هەوڵی کوشتنی دراوە.
دوورخستنەوەی تائیب لەکاتێکدایە کە لەمدواییەدا ژمارەیەک لە زانایان و بەرپرسانی ئێران کوژران و لەسەرجەم ڕووداوەکانیشدا کۆماری ئیسلامی، ئیسرائیلی بە ئەنجامدانی تۆمەتبارکردووە.
ڕاپۆرتە میدیاییەکان باس لەوەدەکەن کە دوورخستنەوەی حوسێن تائیب بەهۆی شکستهێنانییەتی لە ئاشکراکردنی ئەو هەوڵانە چ لە دەرەوە و چ لە ناوخۆی وڵاتدا.
