باوکی ئیسکۆ ئالارکۆن ئه‌ستێره‌ی یانه‌ی ڕیاڵ مه‌دریدی ئیسپانی، له چاوپێکه‌وتنێکدا هه‌ڵوێستی یاریزانه‌که له‌باره‌ی یانه‌ی ڕیاڵ مه‌دریده‌وه ئاشکراده‌کات.
باوکی ئیسکۆ که له‌هه‌مان کاتدا لێپرسراوی کاره‌کانیه‌تی، له پڕۆگرامی “ئیل لارگیرۆ”ی تایبه‌ت به ڕادیۆ کادینا سێر ڕایگه‌یاندووه، ” ئیسکۆ ده‌یه‌وێت ئه‌زمونێکی نوێ له خولێکی دیکه تاقیبکاته‌وه، به‌ڵام تاوه‌کو ئه‌م ساته هیچ ئۆفه‌رێکمان له یانه داواکاره‌کانه‌وه پێنه‌گه‌یشتووه”.
له‌باره‌ی یاریکردن و به‌رده‌وامبوون له یانه‌ی شاهانه، ده‌ڵێت، ” تاوه‌کو کۆتایی وه‌رز له ڕیاڵ مه‌درید به‌رده‌وامبێت هیچ کێشه‌یه‌کمان نابێت، بێگومان لاریمان نییه له یاریکردن له ڕیاڵ مه‌درید”.
ئیسکۆی ته‌مه‌ن 28 ساڵ له‌م وه‌رزه‌دا له پێکهاته‌ی ڕیاڵ مه‌درید دوورخراوه‌ته‌وه، ته‌نانه‌ت ئه‌و کاتانه‌ش که یاریزانه سه‌ره‌کییه‌کانی یانه‌ی شاهانه پێکراوده‌بن زینه‌دین زێدان پشتی پێنابه‌ستێت، ئه‌وه‌ش بووه‌ته پاڵپێوه‌نه‌ر تاوه‌کو بیر له ڕۆیشتن ڕووه و یانه و خولێکی دیکه بکاته‌وه.
🚨📻⚽️ El agente de Isco, a @ellarguero
➡️"Quedarse en el Madrid no supondría un problema"
🛫 "Ahora mismo no tenemos ofertas, Isco quiere probar en otra liga"https://t.co/TZyBNrkWSA pic.twitter.com/D2tdYpqZxh
— El Larguero (@ellarguero) November 23, 2020
له کۆتا پرێس کۆنفرانسدا زێدان ڕایگه‌یاند، ” ئیسکۆ یاریزانی ڕیاڵ مه‌درید و نامانه‌وێت ڕوو له یانه‌ی دیکه بکات، به‌ڵکو پێویستمان پێیه‌تی”.
ماڵپه‌ڕی ترانسفێر مارکتی جیهانی نرخی ئه‌ستێره ئه‌نده‌لوسیه‌که‌ی به 30 ملیۆن یورۆ خه‌مڵاندووه، ڕۆژنامه‌ی مارکای ئیسپانیش دووپاتیده‌کاته‌وه، به ئه‌گه‌رێکی زۆره‌وه تاوه‌کو کۆتایی وه‌رز له یانه‌ی شاهانه به‌رده‌وام ده‌بێت و دواتر ڕوو له یانه‌یه‌کی خولی نایابی ئینگلیزی ده‌کات.
