کۆمپانیای “ئەپڵ” لە کۆنفرانسی ساڵانەیدا بۆ پەرەپێدەران ئاشکرایکردووە، لەڕێی خزمەتگوزارییەکی نوێوە بەکارهێنەران دەتوانن بەرهەمەکانی کۆمپانیاکە بکڕن و دواتر پارەکەی بدەن.
کڕیار دەتوانێت بە 4 جار و لە ماوەی 6 هەفتەدا پارە بدات، بەبێ هیچ باج و زیادەیەک.
بەپێی تۆڕی “سکای نیوز”، خزمەتگوزارییەکە ناوی “Apple Pay Later”ـە و لەو شوێنانە بەردەست دەبێت کە سیستمی “ئەپڵ پەی” بەکاردەهێنن، سەرجەم پرۆسەکەش لەڕێی پرۆگرامی “Wallet”ـەوە بەڕێوەدەبرێت.
ئەم خزمەتگوزارییە لەگەڵ نوێکردنەوەی سیستمی “iOS 16″ـدا دێت و ڕکابەریی خزمەتگوزارییەکانی دیکەی بەقیستدانی وەک “کلارنا” و “ئەفێرم” دەکات.
