دەستەی گواستنەوە و گەیاندن لە ئەڵمانیا ڕایگەیاندووە، کۆمپانیای “مێرسیدس-بێنز” نزیکەی یەک ملیۆن ئۆتۆمبێل لە بازاڕە جیاجیاکانی جیهاندا دەکشێنێتەوە، بە هۆی ئەگەری “کێشەیەک لە ئیستۆپ و برێکەکاندا”.
بڕیارەکە ئەو ئۆتۆمبێلانە دەگرێتەوە لە نێوان ساڵانی 2004 بۆ 2015ـدا بەرهەمهێندراون و سەر بە زنجیرەی “ML” و “GL”ـن، هەروەها سەیارەی گرووپی “R” لە شێوەی “مینی”.
کۆمپانیا ئەڵمانییەکەی بەرهەمهێنانی ئۆتۆمبێل هەواڵەکەی پشتڕاستکردووەتەوە و ڕایگەیاندووە، “لە چەند حاڵەتێکی دەگمەندا، ئیستۆپکردنی بەهێز ڕەنگە زیانی میکانیکی دروستبکات و دەشێ تووشی داخوران ببێت”.
بۆیە 993 هەزار ئۆتۆمبێل لە سەرانسەری جیهانەوە دەکشیندرێنەوە، 70 هەزاریشیان لە ئەڵمانیاوە.
