كۆریای باكوور واز لە ڕۆژژمێری زایینی دەهێنێت

كیم ئیل سۆنگ-ی دامەزرێنەر

ئاژانسی هەواڵی فەرمی لە كۆریای باكوور وازی لە ڕۆژژمیری زایینی هێنا لە بەرژەوەندیی دانەیەكی دیكە كە پشت بە بۆنەی لەدایكبوونی كیم ئیل سۆنگ-ی دامەزرێنەر و باپیری كیم جۆنگ ئون-ی سەرۆكی ئێستا دەبەستێت.

ئاژانسەكە لە سەرەتای ئەم هەفتەیەوە ڕۆژژمێرێكی دەرخستووە كە (زوچیە 111)یە لەجیاتیی 2022.

وشەی (زوچیە) یەكێكە لە ڕێبازەكانی كیم ئیل سۆنگ، كە واتای “هەڵوێستی سەربەخۆ” و “گیانی پشتبەستن بە خوود” دەگەیەنێت.

ڕۆژژمێری “زوچیە” بە لەدایكبوونی ئیل سۆنگ، دامەزرێنەر و یەكەم سەرۆكی كۆریای باكوور لە ساڵی 1912دا دەستپێدەكات و بە ساڵی یەكەم دادەنرێت.

سیستمی ئەم ڕۆژژمێرە یەكەمجار لە ساڵی 1997دا پێشكەشكرا، دوای سێ ساڵ لە مردنی دامەزرێنەری كۆریای باكوور، بەڵام تا ئەم هەفتەیە، ئاژانسی هەواڵی ناوەندی پشتی بە ڕۆژژمێری ڕۆژئاوا دەبەست، وەك ئەوەی ڕۆژنامەی (تایمز)ی بەریتانی بڵاویكردووەتەوە.

ڕۆژنامەكە هۆكاری ئەو گۆڕانكارییەی بۆ نزیكبوونەوەی یادی 110 ساڵەی لەدایكبوونی ئیل سۆنگ گەڕاندووەتەوە كە هاوكاتە لەگەڵ 15ی نیسانی داهاتوو، كە لە وڵاتەكەدا ئاهەنگ و بۆنەی گەورە ڕێكدەخرێن.

ژاپۆن-یش ڕۆژژمێری تایبەت بەخۆی هەیە كە لەسەر سەرەتای سەردەمی ئیمپراتۆرییەتی ئێستا بونیادنراوە، ئەمساڵ بە (ڕییوا 4) ناسراوە كە واتای ساڵی چوارەمی ئیمپراتۆر ناروهیتۆ دەگەیەنێت.

بابەتی پێشتر

ڕەوشی دیموکراسی چ کاریگەرییەکی لەسەر ئایندەی جیھان ھەیە؟

بابەتی دواتر

توێژینەوەیەک: خەڵک حەزدەکەن هەڵسوکەوت لەگەڵ ڕۆبۆتە مێینەکاندا بکەن

بابەتی پەیوەندیدار
زیاتر ببینە

زەنگەكانی ئاگاداركردنەوە هی ئەوە نین گوێیان لێنەگیرێت
ڕاپۆرتێكی نەتەوە یەكگرتووەكان: گۆڕانكارییەكانی ئاووهەوا بێپێشینەیە

ئەمینداری گشتیی نەتەوە یەكگرتووەكان داوا لە سیاسییەكان دەكات ڕێوشوێنی خێرا و بنەڕەتی بگرنەبەر، دوای بڵاوبوونەوەی ڕاپۆرتێك دەربارەی گۆڕانی…
Total
0
Share