ژن و پیاوێك كە ماوەی 60 ساڵە خۆشەویستی یەكدین، بڕیاری هاوسەرگیریكردنیان دا.
ئەلێكس تەمەنی 91 ساڵە و جەین هامڵتن لە 89ـیەمین ساڵی تەمەنیدایە، ساڵی 1956 یەكتریان ناسیوە، بەڵام ئەو كات ئەلێكس هاوژینی هەبووە و جەین دوای شەش هەفتە لەو یەكترناسینە هاوسەگیریی كردووە.
بەپێی بی بی سی، دوای شەش ساڵ لەو یەكترناسینەیان و لە ساڵی 1962دا و دوای جیابوونەوەیان، ژن و پیاوەكە چوونەتە پەیوەندیی خۆشەویستییەوە و بوون بە باوك و دایكی پێنج منداڵ و ئێستا نەوەیان هەیە، بەڵام بەپێی وتەی خۆیان، سەرقاڵبوونیان بە خەمەكانی ژیانەوە نەیهێشتووە هاوسەرگیریی بكەن.
جەین دەڵێت، چەند هەفتەیەك لەمەوبەر ئەلێكس داوای هاوسەرگیریی لێكردووە و وتوویەتی، “دەبێت هاوسەریگریی بكەین”، دواتر ئاهەنگێكیان سازدا و بە ئامادەبوونی منداڵ و نەوە و هاوڕێكانیان بە فەرمی بوون بە هاوسەری یەكتر.
