ماچی دوو ئەكتەری ئێرانی كاردانەوەی لێدەكەوێتەوە

ماچەكەی نەوید محەمەد زادە و فریشتە حوسەینی لەسەر فەرشی سووری فێستیڤاڵی کان، كاردانەوەی فراوانی لێكەوتووەتەوە.

لە كاتی دەركەوتنیان لە ڕێوڕەسمی فەرشی سووری فێستیڤاڵی کان-دا، هەردوو ئەكتەری دیاری ئێران نەوید محەمەد زادە و فریشتە حوسەینیی هاوژینی، ماچی یەكتریان كرد و بڵاوبوونەوەی وێنەی دیمەنەكە، میدیا و ڕای گشتیی ئێرانی تەنیوە.

لەبارەی ئەو ڕووداوەوە پرسیاری میدیای ئێرانی و بەكارهێنەرانی تۆڕە كۆمەڵایەتییەكان لەو وڵاتە ئەوەیە، ئایا کۆماری ئیسلامیی ئێران چ کاردانەوەیەکی بەرامبەر بەو دوو ئەكتەرە دەبێت؟.

نەوید محەمەد زادە كوردە و یەكێكە لە باشترین ئەكتەرەكانی ئێران و شانازی بە كوردبوونییەوە دەكات، فریشتە حوسەینی ئەكتەرێكی ئێرانی – ئەفغانییە و ماوەی ساڵێكە لەگەڵ نەوید هاوسەرگیرییان كردووە. نەوید خەڵاتی سیمورغی بلورینی لە پای ڕۆڵبینین لە فیلمی “هەمیشە و یەك ڕۆژ”دا بەدەستهێناوە كە گەورەترین خەڵاتی هونەریی ئێرانە و فیلمەكەش یەكێكە لە پڕبینەرترینی سینەماكانی ئێران و دەنگدانەوەی زۆری بەدوای خۆیدا هێناوە.

جگە لە “هەمیشە و یەك ڕۆژ”، نەوید ڕۆڵی سەرەكیی لە چەندین فیلمی سینەماییدا گێڕاوە، لەوانە “سوورپێست”، “لانتوری”، “مەتری شەش و نیو”، “مێشکە بچووکە ژەنگگرتووەکان” و “بەبێ مێژوو بەبێ واژوو” كە ئەمەی دوایینیان نەویدی كرد بە براوەی خەڵاتی باشترین ئەكتەری پیاوی فێستیڤاڵی فیلمی نێودەوڵەتیی سلێمانی، هەروەها فێستیڤاڵی نێودەوڵەتیی ڤێنیز، كە یەكێكە لە فێستیڤاڵە سینەماییە گرنگەكانی جیهان و دێرینترینی ئیتاڵیایە.

بابەتی پێشتر

خوێندكاران تێزابیان بە ئۆتۆمبێلی چوار مامۆستایاندا كردووە

بابەتی دواتر

(ڤیدیۆ) ڕۆما یه‌که‌م ناسناوی کۆنفرانس لیگی له‌ مێژوویدا به‌ده‌ستهێنا

بابەتی پەیوەندیدار
زیاتر ببینە

خەڵكی ژاپۆن گڕە بردوونی

پلەكانی گەرما لە ژاپۆن بەرزبوونەتەوە و دەیان كەس گڕە بردوونی و براونەتە نەخۆشخانە. دەستەی كەشناسیی ژاپۆن ڕایگەیاند، پلەكانی…
Total
0
Share