ڕۆژنامەی نیویۆرک تایمز لە تۆڕی کۆمەڵایەتیی تویتەر گرتە ڤیدیۆییەکی بڵاوکردووەتەوە کە بەڵگەیەکی ڕوونە لەسەر گوللـەبارانکردنی ژمارەیەک ئۆکرانی لەلایەن سەربازانی ڕوسیاوە لە بوچای نزیک کیێڤ.
لە یەکێک لە گرتە ڤیدیۆییەکاندا کە لە 4ی ئازاردا لەڕێگای کامێرا ئەمنییەکان و بە کامێرای مۆبایلی یەکێک لە شایەتحاڵەکان لە نزیک ڕووداوەکە تۆمارکراوە دەردەکەوێت، سەربازانی ڕوسیا کە لە پێشەوە و دواوەی هەشت پیاوی ئۆکرانییەوە دەڕۆن کە سەرجەمیان دەستیان بەرزکردووەتەوە وەک ئاماژەی خۆڕادەستکردن و بەدوای یەکدا دەڕۆن لولەی چەکی سەربازە ڕوسییەکان لەو هەشت ئۆکرانییە کراوە.
New evidence — including three videos obtained by The New York Times — shows how Russian paratroopers rounded up and executed at least eight Ukrainian men in Bucha on March 4, a likely war crime. https://t.co/mgWmJYgPJF pic.twitter.com/ZGrldnhht6
— The New York Times (@nytimes) May 20, 2022
ڤیدیۆکە بەوە کۆتاییدێت بەڵام ڕۆژنامەی نیویۆرک تایمز لەزاری شایەتحاڵەکەوە دەڵێت، ئەو پیاوە ئۆکرانییانە براونەتە ناو باڵەخانەیەکی ئەو ناوچەیە کە ڕوسیا کۆنترۆڵی کردووە و دەنگی تەقەی بیستووە دواتر هیچ ئاسەوارێک لەو کەسانە نەبووە.
ڕۆژنامەکە ئاماژەی بەوەکردووە، ئەو ڤیدیۆیە ڕوونترین بەڵگەی حاشاهەڵنەگرە کە تێیدا سەربازانی ڕوسیا ئەو کەسانە دەکوژن کە خۆیان رادەستی ئەوان دەکەن و دەبنە دیل لەلایان ئەوەش “تاوانی جەنگە”.
They were husbands and fathers, grocery store and factory workers.
At least eight Ukrainian men were rounded up and intentionally executed by Russian paratroopers in Bucha in March, according to new evidence obtained by The New York Times. https://t.co/zgKEueCxhz
— New York Times World (@nytimesworld) May 20, 2022
نیویۆرک تایمز ڤیدیۆیەکی دیکەی بڵاوکردووەتەوە کە بە فڕۆکەی بێفڕۆکەوان تۆمارکراوە، تێیدا تەرمی ئەو کەسانە دەردەکەوێت لە نزیک هەمان ئەو باڵەخانەیەی شایەتحاڵەکە باسی لێوەکردبوو، هەروەها بەشێک لە تەرمەکان دەستیان بەستراوە بەرلەوەی گوللـەباران بکرێن، لەگەڵ ئەوەشدا ژمارەیەک سەربازی روسی لەنزیک تەرمەکانەوە وەستاون.
