وەزارەتی تەندروستیی عێراق هاوڵاتییان ئاگاداردەكاتەوە لە سەگی سەرشەقام و دەڵێت، ئاگاداری “هاریی سەگ”بن 100% كوشندەیە و ئەو سەگانە لەناوببەن.
نووسراوێك كە ئەمڕۆ وەزارەتی تەندروستیی عێراق بۆ گشت پارێزگاكان و نووسینگەی پارێزگارەكانی ناردووە، هۆشداریدەدات لە نەخۆشیی هاریی سەگ و خۆپاراستنی لێی.
وەزارەتی تەندروستیی عێراق هۆشداریداوە لەوەی بەمدواییانە سەگی بێلانە لە گەڕەك و كۆڵانەكان و ناوەوە و دەوروبەری فەرمانگەكان، نەخۆشخانەكان، زانكۆ و مزگەوتەكاندا زۆربوون حاڵەتەكانی گەستنی هاوڵاتییان لەلایەن سەگی هارەوە زیادیانكردووە.
لە نووسراوەكەدا وەزارەتی تەندروستی داوای لەناوبردنی سەگی بێلانە دەكات و دەڵێت، لیژنەی هاوبەش لە پارێزگاكان پێكبهێنن بۆ ئەو مەبەستە.
