بەڕێوەبەری بەشی فریاکەوتنی خێرای سلێمانی ڕایگەیاند، لە شەوی سەری ساڵدا 155 کەس، کە بەهۆی ڕووداوە جۆراوجۆرەکانەوە تەندروستییان تێکچووە، چارەسەریان بۆکراوە.
بەپێی وتەی سامان نادر، تەنها لە شەوی ڕابردوودا 45 کەس بەهۆی ڕووداوەکانی شەڕەچەقۆ، کەوتنەخوارەوە، بورانەوە و ڕووداوی هاتوچۆ گەیەنراونەتە نەخۆشخانە و چارەسەریان بۆ کراوە.
هەروەها ئاماژەی بەوەکردووە، 110 حاڵەتی دیکەش هەبوون کە لەشوێنەکانی خۆیان چارەسەریان بۆکراوە.
