یانەی یوڤانتۆس جارێکی دیکە پێکهاتەکەی بونیاد دەنێتەوە، بۆ ئەو مەبەستەش دەستیان بە دانوستاندن لەگەڵ سێ ئەستێرەی ئەزموونداردا کردووە.
ڕۆژنامەی لاگازێتا دێلۆ سپۆرتی ئیتاڵی ئاشکرای کردووە، ئیدارەی بیانکۆنێری دەستبەرداری پاولۆ دیبالا و جۆرجیۆ کیلینی دەبێت، لە بەرامبەردا پلانیان داڕشتووە سێ یاریزانی بە ئەزموون و بەهرەدار دابین بکەن.
پۆل پۆگبا یەکێکە لە داواکراوەکان، لە ئێستادا جەمسەرەکان سەرقاڵی دانوستاندن و گواستنەوەکە لەسەر وردەکارییە دارایییەکان وەستاوە.
دوو داواکراوەکەی دیکەش بریتین لە ئانخێل دی ماریا و ئیڤان پێریسیچ، کە گرێبەستەکانیان لە هاوینی 2022 (ئەم مێرکاتۆیە) کۆتایی دێت و نزیکبوونەتەوە لە پۆشینی درێسی خانمە پیرەکە.
دی ماریا چاوەڕوانی دوایین هەوڵەکانی ئەندریا ئانێلی سەرۆکی یوڤێ-یە، پێریسیچ-یش تاوەکو ئەم ساتە لەگەڵ ئینتەر میلان بە ڕێککەوتنێکی گشتگیر نەگەیشتووە، هەر دوو یاریزانەکەش بە ئاشکرا و نهێنی لەگەڵ ئیدارەی یوڤێ کەوتوونەتە سەرهێڵ.
