عەلی حەمە ساڵح ئەندامی پەرلەمانی کوردستان سەبارەت بە سیستمی نوێی دانانی کامێراکانی دیاریکردنی تیژڕەویی هاتوچۆ ڕایگەیاندووە، “من دژی دانانی کامێرا نیم بەڵام دانان و بەڕێوەبردنی کاری حکومەتە نەک بدرێت بە کەرتی تایبەت”.
عەلی حەمە ساڵح باس لەوە دەکات، کە لەدوای دانانی کامێراکانی هاتوچۆ لە سلێمانی نزیکەی 300 کامێرا لە هەولێر و دهۆکیش جێگیردەکرێن و بۆ ئەو مەبەستەش گرێبەست لەگەڵ کۆمپانیایەک کراوە.
سەبارەت بە دانانی کامێراکان چەند خاڵێکی خستووەتەڕوو ئەوانیش:
یەکەم: ئەمە ئیشی حکومەتە نەک هێنان و دانان و بەڕێوەبردنی بردێت بە کەرتی تایبەت.
دووەم: شوێنی هەموو کامێراکان ئیعلان بکرێت.
سێیەم: داهاتی کامێراکان بۆ ڕێگاوبان خەرجبکرێت.
چوارەم: گوزەرانی خەڵک ڕەچاوبکرێت.
