یەكێك لە مەرجەعە ئایینییە دیارەكانی ئێران ڕەخنە لە گرژیی پەیوەندیی نێوان وڵاتەكەی و سعودیە دەگرێت و دەڵێت، “هەستیاریی سعودیە مەورووژێنن”.
مەكارم شیرازی مەرجەعی ئایینیی ئێران ڕایگەیاند، هۆكاری ئەم دۆخەی ئێستا (ناكۆكیی نێوان ئێران و سعودیە) دەگەڕێتەوە بۆ ئەو هەڵانەی لە ڕابردوودا كراون.
شیرازی وتی، “پێویستە وەرزی حەج بقۆزینەوە بۆ گۆڕینی بەدحاڵیبوون بە گومانی باش و گەشبینی”، وەك ئاماژەیەك بۆ دڕدۆنگیی گەلانی ئێران و سعودیە بەرامبەر بە یەكتر.
ئەو مەرجەعە ئایینییەی ئێران دەڵێت، “حەج بە سرووتی ئایینی دادەنرێت، بەڵام بە ناڕاستەوخۆ پرسێكی سیاسییە تەنانەت ئەگەر دان بەوەشدا نەنێین”.
مەكارم شیرازی لەو سۆنگەیەوە داوا لە خەڵكی ئێران دەكات لە كاتی بەجێهێنانی “سرووتە ئایینییە – سیاسییەكانی حەج”دا هەستیاریی سعودیە نەورووژێنن.
