شەڕوپێكدادان لە نێوان هێزەكانی سوپای عێراق و یەبەشە لە سنووری قەزای شەنگال بەردەوامە و سەربازێكی سوپای عێراق كوژرا.
بەپێی زانیارییەكان كە بە تۆڕی میدیایی ئێستا دراون، لە شەوی ڕابردووەوە لە ڕۆژئاوای سنووری قەزای شەنگال شەڕوپێكدادان لە نێوان هێزەكانی سوپای عێراق و هێزەكانی یەبەشە ڕوویداوە و تائێستا وردەكاریی زەرەر و زیانەكانی شەڕەكە ڕانەگەیەندراوە.
سوپای عێراق داوای ڕادەستكردنی خاڵە سەربازییەكانی هێزەكانی یەبەشە لە سنووری شەنگال دەكات و ئەوانیش ڕەتیدەكەنەوە، بەو هۆیەوە شەڕ لەنێوان هەردوولادا بەرپابووە و تا ئێستا شەڕ بەردەوامە و سەربازێكی سوپای عێراق كوژراوە.
پێشتر سوپای عێراق هێزی ناردبووە سەر بازگەی ئاسایشی ئێزیدخان لە كۆمەڵگەی دیگۆر و داوای لێكردوون سەربازگەكە ڕادەستبكەن، بەڵام ئاسایشی ئێزیدخان كە سەر بە یەبەشەیە، داواكەی سوپای عێراقیان ڕەتكردووەتەوە و لە ئاكامدا پێكدادان دروستبووە.
