شارەزایەكی كەشناسی پێشبینییەكانی كەشوهەوای ڕۆژانی داهاتووی ئاشكراكرد و دەڵێت، “خۆڵبارین بەڕێوەیە، بەڵام لە هەرێم ئەگەری بەردەوامبوونی بارانبارین هەیە”.
حسێن ئەسەدی شارەزای كەشناسی ڕایگەیاند، پێشبینییەكان دەڵێن لە سبەینێ شەممەوە نزمەپاڵەپەستۆ ڕوو لە باشوور و خۆرئاوای عێراق دەكات و خێرایی با زیاددەكات و خۆڵبارین لەگەڵ خۆیدا دەهێنێت.
ڕوونیكردەوە، شەپۆلەكە لە سعودیەوە ڕوو لە عێراق دەكات و پێشبینیدەكرێت كەشوهەوای ڕۆژانی جەژن تۆزاوی بێت و لە چەند شار و ناوچەیەكی عێراق خۆڵبارین ڕووبدات.
بەپێی پێشبینییەكانی كەشناسە عێراقییەكە، ئەمشەو بارانبارین لە زۆربەی ناوچەكاندا كۆتاییدێت و كەشوهەوای چەند ڕۆژی داهاتووی هەرێمی كوردستان و باكووری عێراق بارانی پچڕپچڕ بەخۆیەوە دەبینێت و هەورەبروسكەی لەگەڵدا دەبێت.
