حكومەتی عێراق دەستیكرد بە دابەشكردنی مووچەی مانگی ئایاری داهاتووی خانەنشینانی سەربازی و شارستانی.
دەستەی نیشتمانیی خانەنشینیی عێراق ئەمڕۆ پێنجشەممە ڕایگەیاند، دەستكراوە بە دابەشكردنی مووچەی مانگی ئایاری 2022ی خانەنشینانی سەربازی و شارستانی.
ڕاگەیەندراوێكی دەستەی نیشتمانیی خانەنشینیی عێراق دەڵێت، “بەبۆنەی نزیكبوونەوەی جەژنی ڕەمەزانی پیرۆزەوە، دەستپێكردنی دابەشكردنی مووچەی مانگی ئایاری 2022ی خانەنشینانی سەربازی و شارستانی ڕادەگەیەنین”.
دەستەكە داوا لە خانەنشینانی سەربازی و شارستانی دەكات سەردانی بانكەكان و نووسینگەكانی وەرگرتنی مووچە بە شێوەی ئەلیكترۆنی بكەن بەمەبەستی وەرگرتنی مووچەكانیان.
دوێنێ چوارشەممە حكومەتی عێراق دابەشكردنی مووچەی مانگی ئایاری زیاتر لە ملیۆنێك و 400 هەزار خێزانی سوودمەندبووی تۆڕی چاودێریی كۆمەڵایەتیی ڕاگەیاند.
