میدیا عێراقییەکان بڵاویانکردەوە، لە پارێزگای نەجەف یەکەم حاڵەتی گیانلەدەستدانی پشتڕاستکراوە لە تاقیگە پزیشکییەکان بەهۆی تای خوێنبەربوون تۆمارکراوە.
بەپێی میدیا عێراقییەکان، ئەو کەسەی گیانیلەدەستداوە خەڵکی نەجەفە و پیشەی گۆشتفرۆشە پێشتر تووشی تای خوێنبەربوون بووە.
تای خوێنبەربوون نەخۆشییەکی ڤایرۆسیی کوشندەیە کە ڕێژەی مرد بەهۆیەوە دەگاتە 40%ی تووشبووانی، نەخۆشییەکە لە ئاژەڵەوە بۆ مرۆڤ دەگوازرێتەوە و لە کەسێکی تووشبوو بۆ کەسێکی دیکە دەگوازرێتەوە لەڕێگەی بەرکەوتنی ڕاستەوخۆ بە خوێن، شلە دەردراوەکانی دیکەی جەستەی کەسی تووشبوو.
پارێزگاکانی نەینەوا و زیقار پێشتر تووشبوون و گیانلەدەستدانیان بە تای خوێنبەربوون تۆمارکردووە، هەروەها تەندروستیی ناسریە ڕایگەیاند، لەسەرەتای ئەمساڵەوە 20 حاڵەتی تووشبوونیان بە تای خوێنبەربوون تۆمارکردووە و لەو ژمارەیە هەشتیان گیانیان لەدەستداوە.
