ئەمینداری گشتیی كۆمكاری عەرەبی سەركۆنەی هێرشە سەربازییەكانی توركیا بۆ سەر هەرێمی كوردستان دەكات و دەڵێت، ئۆپەراسیۆنە سەربازییەكە پەیوەندییەكانی نێوان عێراق و توركیا ئاڵۆزدەكات.
ئەحمەد ئەبوغەیب، ئەمینداری گشتیی كۆمكاری عەرەبی ئەمڕۆ شەممە لە ڕاگەیەندراوێكدا، بەتوندی سەركۆنەی هێرشە سەربازییەكانی توركیا دەكەین و جەختیكردووەتەوە، ئۆپەراسیۆنەكە دوژمنكارییە بۆ سەر سەروەریی عێراق و بەهەموو شێوەیەك ڕەتدەكەینەوە.
لە ڕاگەیەندراوەكە هاتووە، ئۆپراسیۆنە سەربازییەكە بۆ سەر خاكی عێراق پەیوەندییەكانی نێوان توركیا و عیراق ئاڵۆزتر دەكات پێویستە توركیا رێز لەسەروەريی عێراق بگرێت.
