دوای ڕاگەیاندنی ئەنجامی بەرایی هەڵبژاردنی سەرۆكایەتیی فەڕەنسا، ئیمانیۆل ماكرۆن وتارێكی پێشكەشكرد و دەڵێت، ” فەرەنسا بە بەهێزی دەمێنێتەوە و بەسەر هەموو كێشەكاندا سەردەكەوین “.
ئیمانیۆل ماكرۆن، لە وتارێكیدا لە پاریسی پایتەختی فەرەنسا ڕایگەیاند، ئێستا ساتێكی یەكلاكەرەوەیە بۆ فەرەنسییەكان و نابێت وەك ڕابردووبێت.
ئاماژەی بەوە كرد فەرەنسا ڕووبەڕووی هەموو ئاڵنگارییەكان دەبێتەوە و وتی، ” تاكە پرۆژەم ئەوەیە پاڵپشتی كرێكاران بكەم و داهاتی تاك بەرزبكەمەوە “.
ئیمانیۆل ماكرۆن دڵنیایی بە گەلی فەرەنسا دا وتی، “دەمانەوێت فەرەنسا لە هەموو بوارەكاندا بە بەهێزی بمێنێتەوە و كار بۆ زیاتر بوژاندنەوەی ئابوریی وڵات دەكەین”.
بەپێی ئەنجامە بەراییەكان لە خولی یەكەمی هەڵبژاردنی سەرۆكایەتیی فەرەنسادا ئیمانوێل ماكرۆن 28.8%ی دەنگەكانی مسۆگەر كردووە و مارین لۆپێن 24.2%ی دەنگەكانی مسۆگەر كردووە و هەردووكیان چوونە قۆناغی دووەم.
