لە ئەمریکا ڕێگە بە بەکارهێنانی پشکنینێکی کۆرۆنا دەدرێت کە لە ماڵەوە بەکاردەهێندرێت و لە ماوەی 30 خولەکدا ئەنجامەکە پیشان دەدات.
لەسەرەتادا بەشێوەیەکی سنووردار ڕێگە بە بەکارهێنانی پشکنینەکە دەدرێت و بە ڕەچەتە بە خەڵک دەدرێت.
بۆ ئەنجامدانی پشکنینەکە، کەمێک لە شلەی ناو لووتی کەسەکە وەردەگیردرێت و دەخرێتە ناو ئامێرەکەوە و دوای 30 خولەک ئەنجامی پشکنینەکە لەسەر ئامێرەکە دەردەکەوێت.
پێشتر پشکنینەکان لەلایەن کارمەندانی تەندروستییەوە و لە تاقیگەکاندا ئەنجام دەدران، بەڵام لەئێستادا دەکرێت ئەو کەسانەی گومان دەکەن تووشی ڤایرۆسەکە بووبێتن، خۆیان لە ماڵەوە پشکنین بۆ خۆیان ئەنجام بدەن و بەخێرایی ڕێوشوێنی پێویست بۆ پاراستنی خۆیان و دەوروبەریان بگرنەبەر.
تا ئامادەكردنی ئەم هەواڵە، بەگوێرەی پێگەی “worldometers” كە تاكە سەرچاوەی فەرمیی ئامارەكانی كۆرۆنایە لە جیهاندا، ئەمریكا ڕیزبەندی یەكەمی گرتووە لە ڕێژەی توشبوون و مردن بە كۆرۆنا كە كۆی گشتیی توشبووانی ئەو وڵاتە 11 ملیۆن و 697 هەزار و 469 كەسن، كۆی گشتیی ئەو كەسانەشی بە هەمان هۆكار مردوون لە ئەمریكا 254 هەزار و 291 كەسن.
بەگوێرەی هەمان پێگە، تا ئێستا 56 ملیۆن و 12 هەزار و 18 كەس لە جیهاندا تووشی كۆرۆنا بوون، هەروەها یەك ملیۆن و 345 هەزار و 32 توشبووی كۆرۆنا لە جیهاندا مردوون و 39 ملیۆن و 25 هەزار و 13 توشبووش چاكبوونەتەوە.
