چەند هۆكارێك هەن بۆ بەرزبوونەوەی فشاری خوێن لە جەستەدا، ناوەندێكی ئەمریكی بۆ بەرەنگاربوونەوەی نەخۆشییەكان ئاشكرایدەكات، هەموو كەسێك دووچاری بەرزبوونەوەی فشاری خوێن دەبێت و ئەوەش هۆكارە بۆ تووشبوون بە نەخۆشییەكانی دڵ.
لێكۆڵینەوە تەندروستییەكان ئاماژەیان بەوە كردووە، جگەرەكێشان و دڵەڕاوكێ و چەند ماددەیەكی خۆراكی دووچاری گرفتی تەندروستیت دەكەنەوە و بەتایبەت فشاری خوێن.
هاوكات پسپۆڕانی خۆراك هۆشداریدەدەن و داوادەكەن چەند جۆرێكی خۆراك هەن پێویستە لێیان دووربكەوینەوە.
1.كەمیی پۆتاسیۆم:
پێویستە ڕۆژانە میوە و سەوزە بخورێن تا بتوانرێت ڕێژەی كەمیی پۆتاسیۆم لە جەستەدا چارەسەربكات و هۆكارێكە بۆ بەرزبوونەوەی پەستانی خوێن لە جەستەدا .
2.خۆراكە دروستكراوەكان :
دووركەوتنەوە لەو خۆراكانەی لە قوتودەنرێن كە ڕێژەیەكی زۆر ماددەی سۆدیۆمیان تێدایە بە بەراورد بەو خۆراكانەی لە ماڵەوە دروستدەكرێن.
3. خواردەمەنییە ئامادەكراوەكان:
پێویستە خۆمان لەو خۆراكانە دووربگرین كە لە دەرەوە ئامادە دەكرێن، بەتایبەت پیتزا ڕێژەیەكی زۆر ماددەی سۆدیۆمی تێدایە و هۆكارە بۆ زیادبوونی پەستانی خوێن.
4.خواردەمەنییە سوورەوەكراوەكان.
5.زیادەڕۆییكردن لە بەكارهێنانی خوێ لە ژەمە خۆراكییەكاندا هۆكارێكی دیكەیە بۆ بەرزبوونەوەی پەستانی خوێن لە جەستەدا.
