سەرۆك وەزیرانی عێراق و سەرۆكی ئەنجومەنی نوێنەران كۆبوونەوە و دوایین پێشهاتە سیاسییەكانیان تاوتوێكرد و داوادەكەن كۆتایی بە دۆخی چەقبەستوویی سیاسیی عێراق بهێندرێت.
بەپێی بەیاننامەیەكی نووسینگەی ڕاگەیاندنی سەرۆك وەزیرانی عێراق ئەمڕۆ یەكشەممە بڵاویكردووەتەوە كە مستەفا كازمی پێشوازی لەمحەمەد حەلبووسی، سەرۆكی ئەنجومەنی نوێنەرانی عێراق كردووە و هەردوولا تاوتوێی دوایین پێشهاتە سیاسییەكانیان كردووە.
لە ڕاگەیەندراوەكەدا هاتووە، هەنگاوەكان لەپێناو پێشكەشكردنی خزمەنگوزاریی زیاتر بە هاوڵاتیان و بەدیهێنانی خواستەكانیان تاوتوێكراون.
ئاماژە بەوەكراوە، هەردوولا جەختیانكردووەتەوە لە كاركردنی پێكەوەیی بۆ تێپەراندنی ئەم قۆناغەی ئێستا و كۆتاییهێنان بە دۆخی چەقبەستوویی سیاسیی عێراق.
