سەرۆك وەزیرانی عێراق كاركردن بۆ پتەوكردنی پەیوەندییەكانی نێوان بەغداد و ھەولێر بەپێویست دەزانێت و جەختیش لە خزمەتكردنی ھاوڵاتییان لە سەرجەم ناوچەكانی عێراقدا دەكاتەوە.
محەمەد شیاع سودانی، سەرۆك وەزیرانی عێراق و نێچیرڤان بارزانی، سەرۆكی ھەرێمی كوردستان لە بەغداد كۆبوونەوە، نووسینگەی سەرۆك وەزیران لەبارەی كۆبوونەوەكە رایگەیاند، باس لە پڕۆژەكانی حكومەت بۆ خزمەتكردنی ھاوڵاتییانی سەرجەم عێراق و گەشەپێدانی وڵات لەسەرجەم بوارەكان كراوە.
هەر لە راگەیەندراوەكەدا هاتووە، لە كۆبوونەوەكەدا باس لە دۆخی سیاسیی وڵات كراوە و ھەردوولا جەختیان لە گرنگیی پشتیوانی ھەوڵەكانی حكومەت لە ناوخۆ و دەرەوە و پەرەپێدانی پەیوەندی نێوان بەغداد و ھەولێر كردووەتەوە، ئەوەش پێویستی بە ھەوڵی یەكگرتووی ھەموو ھێزە سیاسییەكان ھەیە.
