دادگای مۆسکۆ بڕیاری قەدەغەکردنی فەیسبووک و ئینستگرامی دەرکرد لە ڕوسیادا.
بەپێی میدیاكانی ڕوسیا، دادگای مۆسكۆ، داواکارییەکی پەسەندکردووە سەبارەت بەو کەیسەی لەلایەن جێگری یەکەمی داواکاری گشتی دژی کۆمپانیای مێتا تۆمارکراوە بۆ قەدەغەکردنی چالاکییەکانی پێگەکانی لەناو خاکی ڕوسیا.
بەپێی بڕیارەكە، هەردوو تۆڕی کۆمەڵایەتی فەیسبووک و ئینستگرام قەدەغە دەكرێن، بەهۆی ئەوەی چالاکی توندوتیژانەیان بەرامبەر بە گەلی ڕوسیا بڵاوكردووەتەوە.
