پشکەکانی فەیسبووک بەبڕی 5.5% پاشەکشەیانکرد، دوای ئەوەی خزمەتگوزارییەکانی پێگەکانی فەیسبووک، ئینستاگرام و واتسئەپ لەکارکەوتن.
بەهای هەر پشکێکی فەیسبووک دابەزی بۆ 323.56 دۆلار دوای ئەوەی بڕی 19.5ی بۆ هەر پشکێک لێ کەمبووەوە.
پێگەی (داون دیتیكتۆر) ڕایگەیاند خەزمەتگوزارییەکانی فەیسبووك، ئینستاگرام و واتساپ لە نزیك كاتژمێر 11:44 بە كاتی گرینچ لەکارکەوتووە و سەرجەمیان لەلایەن کۆمپانیای فەیسبووکەوە خاوەندارێتی دەکرێن.
لەبارەی کێشەکەوە کۆمپانیای فەیسبووك لە تویتێكدا ڕایگەیاند، ئاگادارە كە هەندێك كەس كێشەیان هەیە لە گەیشتنە ئەپلیكەیشن و بەرهەمەكانیان.
دەشڵێت، كاردەكەن لەسەر گەڕانەوەی كاروبارەكان بۆ دۆخی سروشتیی خۆی لە نزیكترین كاتدا.
