ئه‌مشه‌و شه‌ممه، یارییه‌کانی هه‌فته‌ی 30ی خولی پله یه‌کی ئیتاڵیا ئه‌نجامدران، یانه‌ی ئه‌ی سی میلان بردنه‌وه‌یه‌کی گرنگی به‌رامبه‌ر کالیه‌ری تۆمارکرد.
یانه‌ی کالیه‌ری له سردینیا ئارینا میوانداریی میلانی کرد، یانه‌ی میوان “میلان” توانی به ئه‌نجامی گۆڵێكی بێبه‌رامبه‌ر یارییه‌که له‌به‌رژه‌وه‌ندیی خۆی کۆتایی پێبهێنێت.
گۆڵه‌که‌ی ڕۆسۆنێری له خوله‌کی 59 له‌لایه‌ن ئیسماعیل بن ناسڕه‌وه تۆمارکرا.
به‌پێی ئه‌نجامه تۆمارکراوه‌که، یانه‌ی ئه‌ی سی میلان ژماره‌ی خاڵه‌کانی گه‌یانده 66 و گه‌ڕایه‌وه بۆ پله‌ی یه‌که‌می ڕیزبه‌ندیی یانه‌کانی خولی پله یه‌کی ئیتاڵیا، له‌به‌رامبه‌ردا یانه‌ی کالیه‌ری به 25 خاڵه‌وه له پله‌ی 17دا جێگه‌ی خۆی کرده‌وه.
